Hechos 8:29-35

²⁹Diosun Yushin Pepatun Felipe yuikin: —Kakain jaki kemai nukutanwen— aka

³⁰jaska ninkatan jawaida kain jaki nukuaya Diosun jancha yuixunika Isaíasin keneni yuiai ninkakin Felipen yukakin: —Ja kene min yuikubidanaidan, ¿min ninkai?— aka

³¹Etiopianawan ninkatan kemakin: —Jaskatan tsuan ea jakidi yusin pewai en ninkatidumaki. ¿Mian min unainmenkain? Ebe inatan kakin ea tapinmabainwen— aka —Peki— itan inatan jabe tsaukainaya

³²jabias kene yuixu Etiopianawan ana Felipe yuixunkin yuikin: ‘Chaxuwan detenikatun detenun, iwanan, iyumis keska wakin tsuan nemama iniki. Ja inun, chaxuwan bake dani damexteabu chaxuwan jawan ikama pesmis keskai jawa yuiama iniki.

³³Januxun ichakawakin nuitapawabu jawa yuiamaken tsua jawen nuikin medabewamadi iniki. Jaska wakin bakeuma tenanbu tsuan janixun jawen bababukidi jakidi janchatidubumaki, jaska wakin jawen jiwea mebinkin mai anua mexa keska wakinan’, akin yuixuntan

³⁴Felipe yukakin: —¿Tsukidi ja Diosun jancha yuixunikatun kenenimen? ¿Ibubiskidimenkain? ¿Juni betsakididaka? Menan ea yuidiwe— aka

³⁵Felipen unanmakin Diosun jancha dama yuixudan, jawen yusin taewakin kakape Jesúskidi Etiopianawa tapinmakin ninkamakubaina