Kinera Koari na Kinerakera 2:8-17

⁸Va avoso! Sa mamalaiṉina sa qua babaere! Doṉo la! Isa, mae sana! Horu kasopo ni sa sari na toa, haqala karovi sa sari na toqere.

⁹Qua babaere si haqala tuturei guana kurukuru qazele, meke doṉo lea gua rina kurukuru dia kokoreo vaquradi. Dotu! Turu nana sana pa mudina sa goba, doṉo nuquru mae nana pa vuida, hopiki nuquru nana pa lose.

¹⁰Sa qua babaere si zama mae koa rau, Sa Koreo “Tekulu, agoi na qua babaere, qua vineki leleamu, mae luli au.

¹¹Do! Sa totoso ibu si ele hola; sari ruku ba ele noso.

¹²Ele pelara sari havoro pa pepeso; na totoso kerakera si ele kamo, na vinari titioki tadi na kukuva si avoso lea koari na hudahuda.

¹³Sari huda piqi d si ele va sagana kenu vuadi; meke sa humaṉa lea tanisa havoro vaeni si ele kamo. Tekulu mae, qua babaere; qua vineki leleamu, mae luli au!”

¹⁴Sa qua kukuva si pa korapa qoqoro patupatu, koari na tometomeana pa kali toqere. Va dogoro nau sa isumatamu, maqu avosia sa mamalaiṉimu. Ura sa mamalaiṉimu si lomoso, meke tolavaena sa isumatamu.

¹⁵Tuqe vagi sari na pokese hitekedi, pu mae ṉovali sari na inuma vaeni, sari nada inuma vaeni pu korapa va vura havoro.

¹⁶Sa qua babaere si taqarau meke arau si tanisa; asa eke mo si henahena koari na havoro lili

¹⁷osolae kamo sa rane, meke murimuri taloa sa huporo. Mu taliri, qua babaere, mu haqala guana kurukuru made nene qazele, babe na kurukuru ta pozae dia vaqurana koari na batu toqere patupatu.