Kap 27:2-13

²Amɨn yokwi nak aŋupbal ak do apni bɨsapmon kosit yokwigɨn agek maŋ potdaŋ.

³Emat amɨn morapmɨsi da abɨŋ aŋgwasɨni kaŋ, dɨma pasolgeŋ. Uwal da nɨt do apni kaŋ, but morap dɨma abeŋ.

⁴Yawe do yo kaloŋɨ kɨnda do bɨsit asat. Uŋun da nandaŋ naban mɨktɨmon egɨpbeŋ bɨsapmon gɨldarɨ gɨldarɨ iyɨ da yutnon egɨpbeŋ do nandɨsat. Aŋek Yawe uŋun wagɨl tagɨsisi do dabɨlno uŋudongɨn yɨpmaŋek kɨsɨk kɨsɨk aŋek egɨpbeŋ. Aŋek Telagɨ Yut Madepnikon Yawe dogɨn nandaŋek egɨpbeŋ.

⁵Nido yo yokwi da nagon noman toni bɨsapmon uŋun da iyɨ da yutnon aŋkɨsɨbɨŋ nepban egɨpbeŋ. Yoma sopmaŋek tagɨsi aŋkɨsɨbɨŋ nepjak. Tɨp madep kɨnda da kwenon nepban tagɨsi egɨpbeŋ.

⁶Yaŋ aban uwalno nak aŋgwasaŋ uŋun pabɨŋ yopbeŋ. Nak kɨsɨk kɨsɨk aŋek yaŋ tɨdaŋek iyɨ da telagɨ yutnikon paret aŋ ɨbeŋ. Aŋek kap yaŋek mani aŋkɨsikeŋ.

⁷Yawe, gak do bɨsit abo bupmɨkon da bɨsitno nandaŋek aŋpulugoki.

⁸Gagon opbeŋ do nayɨsal, do Yawe nak kɨlɨ uŋun obɨsat.

⁹Dɨma gandakeŋ yaŋ do dɨma pasɨlgi. Nak oman amɨngo, do butjap nandaŋek dɨma akwayɨkgi. Piŋkop, gak paŋpulugokno. Gak da nak yokwikon naŋ abɨdosol. Dɨma nepmaŋ dekgi.

¹⁰Meŋ datyo da manji namjil kaŋ, Yawe da kɨlano sigɨn akdɨsak.

¹¹Yawe, gaga dakon aŋpak do nayɨŋ dekgi. Uwalno morapmɨ, do kosit kɨlegɨ naŋ nayɨŋ aŋaŋ kɨki.

¹²Yum nandaŋaki uwalno da nak dɨma abɨdoni. Uŋun topmon da gen yaŋ namɨŋek nak aŋupbal akdo aŋ.

¹³Nak asisi nandɨsat, don on mɨktɨm egɨsaron Yawe da yo tagɨsi aŋ namdɨsak.