Kàdduy Waare 7:19-26

¹⁹Xel mu rafet day dooleel boroom, ba mu man fukki kàngam cib dëkk.

²⁰Amul moos ku jub ci kaw suuf, kuy def lu baax te du bàkkaar.

²¹Te it du lépp lu ñu wax, ngay bàyyi xel. Kon doo dégg surga bu la ŋàññ,

²²ndax xam nga xéll ne yaw it ŋàññe nga ay yooni yoon.

²³Loolu lépp maa ko natte xel mu rafet, te naan: «Naa xelu,» ndeke mbir ma sore na ma.

²⁴Li wara am daa loq, te xóota xóot; ana ku ko mana daj?

²⁵Ma walbatiku, di jéema xam, di wut, di càmbar, di sàkkum piri, ngir xam li bon cig ndof, ak li dofe, cig ndof.

²⁶Ma seetlu lenn lu gëna naqari dee: muy ndaw su la fiir. Kooku cofeelam mbaal la, yoxo ya dib jéng. Ku Yàlla gërëm a koy rëcc, bàkkaarkat bi lay jàpp.