Kàdduy Waare 1:1-16

¹Lii kàdduy waarekat baa, di doomu Daawuda te di buurub Yerusalem.

²Cóolóoloo cóolóol, waru waarekat ba, cóolóoloo cóolóol, léppi cóolóoli neen.

³Ana sax luy njariñu doñ-doñoo doñ-doñ ju nit di doñ-doñi fi kaw dun bi?

⁴Ag maas wéy, ag maas teew; àddina sax ba fàww.

⁵Jant fenk, so, ne coww dellu fa muy fenke.

⁶Ngelaw jëm bëj-saalum, wiiri jëm bëj-gànnaar, di wiir ak a wiiraat, di delluy wëndeelu, topp yoonam.

⁷Dexoo dex wal, wuti géej, te taxul géej fees. Fa dex wal jëm, fa lay walati, jëm.

⁸Jëfoo jëf ca jëfit, làmmiñ tuddul lépp, bët du suur, nopp du buur.

⁹Lu ayoon mooy ayati, lu ñu jëfoon moom lañuy jëfati. Dara yeesul fi kaw suuf.

¹⁰Lëf a ngii, nit naa: «Lii de lu bees la,» te mu ngi fi woon lu yàgg, lu jiitu sunu juddu.

¹¹Kenn du fàttliku ñi jiitu, ñiy ñëwit, ñi leen topp duñu leen fàttliku.

¹²Man waarekat bi, buurub Israyil laa woon ci Yerusalem.

¹³Damaa dogu ne damay gëstu, teg ko ci xel mu rafet, di settantal mboolem lu nit def fu jant bi tiim. Ndaw sas wu tiis wu Yàlla sase, ñu war koo sasoo!

¹⁴Gis naa jépp jëf ju jëfe ci kaw suuf, ndeke lépp cóolóoli neen la ak napp um ngelaw.

¹⁵Lu wañaaru, maneesu koo jubbanti; lu teewul, maneesu koo lim.

¹⁶Damaa wax ci saam xel naa: Man de, maa ngii di gëna xelu, ba sut ku ma jiitu ci jalub Yerusalem. Damaa xuus ci xel mu rafet ak xam-xam,