Kàddu yu Xelu 30:8-14

⁸caaxaan aki fen, yal na ma sore, néewleek barele, bu ma ci may lenn, leel ma lu ma doy;

⁹lu ko moy ma regg, weddi la, ba naan: «Kuy Aji Sax ji?» Mbaa ma ñàkk bay sàcc, di la ñàkke worma, yaw sama Yàlla.

¹⁰Bul sikkal ab surga ca njaatigeem, da lay ñaan-yàlla, mu dal la.

¹¹Ag maas a ngi saaga baay, te wormaaluñu ndey.

¹²Ag maas a ngi defe ne set nañu, te taq ripp ak bàkkaar.

¹³Ag maas a ngi daŋŋiiral; aka ñoo mana xeeloo!

¹⁴Ag maas a ngi, seeni sell niy saamar, seeni gëñ niy paaka, ñuy lekk néew-ji-doole, ba raafal leen ci réew mi, ba ku ñàkk jeex ci biir nit ñi.