Kàddu yu Xelu 30:16-29

¹⁶njaniiw, jigéen ju jaasir, suuf, du màndi ndox, sawara, du ne doy na mukk.

¹⁷Kuy xeelu sa baay, di siidee déggal sa ndey, baaxoñ génne ciw xur, luqi sa bët, tan ya lekk.

¹⁸Ñett a ngii, yéem na ma, ba ci ñeent yu ma xamul:

¹⁹yoonu jaxaay ci asamaan, yoonu jaan ci kawi doj, yoonu gaal ci diggu géej, yoon wi góor di jaar as ndaw.

²⁰Jikkoy jigéenu moykat a ngi. Day lekk, wommiku, te naan: «Defuma dara lu aay!»

²¹Ñett a ngii, day yëngal suuf, ba ci ñeent yu suuf àttanul:

²²jaam bu falu buur, dof bu regg,

²³ndaw su bon su for jëkkër, jigéen ju wuutu sangam bu jigéen.

²⁴Ñeent a ngii, di lu tuut ci kaw suuf, te am xel, yaroo xel:

²⁵xorondom, néew na doole, waaye bu jotee, mu denc dundam;

²⁶daman, barewul kàttan, te day dëkk ciy doj;

²⁷soccet, amul buur, teewul ñuy àndandoo, diy gàngoor;

²⁸sindax, manees na koo ŋëb, teewul ma nga biir kër buur.

²⁹Ñett a ngii, ñu jekk um ndaag, ba ci ñeent ñu jekk doxin: