Kàddu yu Xelu 30:10-16

¹⁰Bul sikkal ab surga ca njaatigeem, da lay ñaan-yàlla, mu dal la.

¹¹Ag maas a ngi saaga baay, te wormaaluñu ndey.

¹²Ag maas a ngi defe ne set nañu, te taq ripp ak bàkkaar.

¹³Ag maas a ngi daŋŋiiral; aka ñoo mana xeeloo!

¹⁴Ag maas a ngi, seeni sell niy saamar, seeni gëñ niy paaka, ñuy lekk néew-ji-doole, ba raafal leen ci réew mi, ba ku ñàkk jeex ci biir nit ñi.

¹⁵Saxu watar du suur, ñaar ñu jigéen la am: Jox Ma ak Jox Ma. Ñett a ngii ñu dul suur, ba ci ñeent ñu dul ne doy na mukk:

¹⁶njaniiw, jigéen ju jaasir, suuf, du màndi ndox, sawara, du ne doy na mukk.