8Doom, toppal yaru baay, te bul wacc ndigalu yaay.
9Kaala gu jekk la ci bopp, di gànjar ci baat.
10Doom, bàkkaarkat bu la xiirtal, lànkal.
11Dañu la naan: «Dikkal, nu tëruji bakkan, yeeruji jaambur bu deful dara.
12Nanu mel ni njaniiw, mëdd kuy dund, mu jekki tàbbi biir bàmmeel.
13Mboolem alal ju réy, nu jagoo, yeb sunu biir kër, mu fees.
14Dikkal nu far, mbuus miy benn, nu bokk.»
15Doom, bul ànd ak ñoom ciw yoon, bul jaare fa ñuy jaar,
16ngir dañuy xélu, nar musiba, di gaawtuy sànk bakkan.
Kàddu yu Xelu 1
Kàddu yu Xelu 1:8-16