12Buur daa sib kuy def lu bon, ngir njekkay dëgëral nguuram.
13Wax ju dëggu, buur safoo boroom; ku jub, buur bëgg sa kàddu.
14Merum buur ndaw la, dee a ko yónni; ku rafet um xel, giifal ko.
15Buur, na kanam ga leer, sa bakkan mucc, su la baaxee, mu mel ni taw bu topp um nji.
16Wutal xel mu rafet, bàyyi wurus; taamul ag dégg, wacc xaalis.
17Yoonu kuy jubal day moyu lu bon, ku teeylu sa jëfin, sàmm sa bakkan.
18Réy, yàqule; xeebaate, jóoru.
19Woyof, ànd ak ku néewle moo gën séddook ku bew la mu lewal.
20Ku teewlu mbir, baaxle; ku wóolu Aji Sax ji, bég.
21Ki rafet xel mooy kiy ràññee, te su wax rafetee, dég-dég yomb.
22Xel mu ñaw day suuxat bakkan, te ab dof jëfi dofam a koy yar.
Kàddu yu Xelu 16
Kàddu yu Xelu 16:12-22