2Ku baax, Aji Sax ji bége la; kuy fexe lu bon, mu daan la.
3Ab soxor, taxawaayam du yàgg; ku jub garab la, reen ba ne kekk.
4Jeeg bu jàmbaare day teral jëkkër ja, jeeg buy rusloo day semmal jëkkër ja.
5Ku jub, yoon lay mébét; ab soxor di lal pexey wor.
6Ab soxor, waxam am tëru la, day reye; kàdduy kiy jubal di musle.
7Ab soxor bu daanoo, jeex na; ku jub, sa kër taxaw, ne këcc.
8Xel mu ñaw, jëw bu rafet; sam xel jekkadi, ñu xeeb la.
9Woyof mbubb, am benn surga doŋŋ, moo gën réyal turki tey dee ak xiif.