Juan 7:43-49

⁴³Wedà dan pegsebad, aw yan se doun te migpedindilay dan tepad kandin.

⁴⁴Doen menge otaw kidoen kandan meibeg megdakep kandin, meneng wedad otaw minawid kandin.

⁴⁵Peg-olì te menge teletonggò te simbahan kidoen te menge otaw simogò kandan, mig-insà se menge Parisiyo aw pengolo te simbahan, kagi dan, “Nengà lay wedà niyo ibingi?”

⁴⁶Timaba se menge teletonggò, kagi dan, “So wedad palos otaw migtoladà te kebenalan iling te pegtoladà din.”

⁴⁷Minikagi se menge Parisiyo, “Neekalan kaw din kedì heman.

⁴⁸Wedà kay din keekali, so wedad palos pengolo te simbahan nemenal diyà kandin. Wedad palos heman diyà kenami menge Parisiyo nemenal kandin.

⁴⁹Meneng se medita otaw sagkep timaking kandin, yan se nemenal kandin so wedà dan toledai te kebenalan tepad te kagi te Timanem insolat, aw yan ipelumun dan te Timanem.”