SAN JUAN 7:43-49

⁴³Rajen mʌ' quet yorob a pimob ti' Jesús.

⁴⁴Yʌn mac u c'atob u chuquicob quir u mʌquicob. Chen mʌna' mac tu chucajob.

⁴⁵Caj urob a policíajo' a cu beyajob ich carem naj tu cu naj c'ujinticob C'uj u winiquirob judío. Caj c'uchob ti' yʌnob u jach ts'urirob sacerdote yejer a fariseojo'. Caj c'ata'b ti'ob ten u jach ts'urirob: ―Biquinin mʌ' ta chuquexi'?

⁴⁶Caj u nuncob a policíajo' tan ya'aricob: ―Mʌna' mac cu tsicbar baxuc a tar yʌn xibo'.

⁴⁷A fariseojo' caj ya'arob: ―U tus a'bar techex xan?

⁴⁸Mʌ' ja wirej, mʌna' u ts'urirob u winiquirob judío tu yacsaj tu yor ti'. Baxuc a tenobo' u winiquirenob fariseo, mʌ' tin wacsajob tin worob ti'.

⁴⁹Chen a pimob tu yacsob tu yorob tub much'a'anob. Robob jach chichob u jo'r. Mʌ' yerob a ba' ts'iba'an ich u t'ʌn C'uj, toc rʌc satob.