John 7:43-49

⁴³'Et huwa ndunnah 'ilhuhowezdel ndun 'en bugha lhch'a nehúdendel.

⁴⁴Bulunah, 'en hitélhcholh hukwa' huninzun, 'et whunts'ih dachahíyilil.

⁴⁵'Et ndunnah nélhghel ndunnah náwhulnuk moodih 'ink'ez Pharisee 'en whuz wheoobuhalh'a, 'en chah hi'et whuz hanahédel hoh hubuhoodulhkut, “Di ka whuz hachalhtel?”

⁴⁶'Et nélhghel 'uhutni, “Aw whutsuh da 'uyoon dune 'en ndun dune k'una'a yachalhtuk.”

⁴⁷'Et Pharisee 'uhutni, “Nuhwheni chah nuhwhunan'a ho ih 'udahni?

⁴⁸Nuwheni moodih k'us Pharisee wheni chah neba 'alha' 'int'ah nahzun ih? 'Awundooh!

⁴⁹'Et whunts'ih ndunnah 'ilhuhowezdel luglez whucho, 'et ts'iyawh di chahílah 'uhint'ah 'et huwa ndai Moses yuk'uné'uzguz 'i 'aw beni be t'éhinízun!” hutni.