Juan 4:13-19

¹³Ora mkab Jesús ne nzhab Jesús lo ngot: ―Reta zha kuu nzhuu nit pos ree, tebre tob xyeek leettsoo zha,

¹⁴per lee zha kuu gu nit kuu tan, thitanax bret raa zha tob xyeek leettsoo zha, tak lee nit kuu tan gu zha, leettsoo zha gake taxal thib xlen nit, kuu ndaa yalnaban kuu thitanax.

¹⁵Tsa lee ngot nzhab lo Jesús: ―Zha Nabee, taa nita gun, tsa tob xyeegt raa leettsoon, ne tsa yalt raa na yaadlon nit nzhee.

¹⁶Ora nzhab Jesús lo ngot: ―Gwa gwaxii tsaala, tsaraa yaada nzhee.

¹⁷Lee ngot mkab ne nzhab: ―Naptʼn tsaalʼn. Tsa nzhab Jesús lo ngot: ―Wliʼa kuu neʼa, napta tsaala,

¹⁸tak mkenoʼa lu gaay tsaala, ne lee zha kuu napa nal, nagt zha tsaala, wliʼa kuu neʼa.

¹⁹Or mbin ngot kona, tsa nzhab ngot: ―Ndakʼn thib profet naka.