ЯНА 4:13-19

¹³Ісус сказаў ёй у адказ: кожны, хто п'е ваду гэтую, спрагнецца зноў;

¹⁴а хто будзе піць ваду, якую Я дам яму, той не спрагнецца вавек; а вада, якую Я дам яму, зробіцца ў ім крыніцай вады, якая пацячэ ў жыцьцё вечнае.

¹⁵Жанчына кажа Яму: Спадару! дай мне гэтай вады, каб ня мець мне смагі і ня прыходзіць сюды чэрпаць.

¹⁶Ісус кажа ёй: ідзі, клікні мужа твайго і прыйдзі сюды.

¹⁷Жанчына сказала ў адказ: няма ў мяне мужа. Ісус кажа ёй: праўду ты сказала, што ў цябе няма мужа;

¹⁸бо ў цябе было пяць мужоў, і той, якога сёньня маеш, ня муж табе; гэта слушна ты сказала.

¹⁹Жанчына кажа Яму: Госпадзе! бачу, што Ты прарок;