Jon 4:13-19

¹³Wal Jisas bin tok, “Ebribodi hu dringgim woda brom dijan wel garra thesti igin.

¹⁴Bat enibodi hu dringgim det woda weya ai garra gibit im kaan neba thesti, dumaji det woda weya ai garra gibit im garra meigim miselp jis laiga springwoda insaid langa im, en det springwoda garra oldei boilap brabliwei en meigim im jidan laibala olagijawan.”

¹⁵Wal det gel bin tok, “Bos, yu gibit mi det woda wulijim ai kaan jidan thestibala igin. Yu gibit mi det woda wulijim ai kaan oldei kipgon kambek langa dijan wel blanga gajimbat woda.”

¹⁶Wal Jisas bin tok, “Yu go en gajim yu hasbin en kambek.”

¹⁷Wal det gel bin tok, “Ai nomo garram eni hasbin.” En Jisas bin tok, “Trubala yu tok yu nomo garram hasbin, dumaji yubin abum faibala hasbin.

¹⁸En det men weya yu garram tudei im nomo blanga yu hasbin. Trubala tharran yubin tok. Yu nomo bin laiya weya yubin dalim mi yu nomo garram hasbin.”

¹⁹Wal det gel bin tok, “Bos, ai sabi na hu yu. Yu speshalwan mesinja brom God.