13—Tsoan na pozo murannoa unu ayafiashu chipo afanan nomitiro.
14Ascafia tsoan na unu un ato ayamacai afanan nomipacunacama. Iconcoin na unu un inanquin a muran unu tsosi shara fuchoi cafiscai. Ayashu nan unuhuunoashu ipasharacointiro, —huaiton.
15—Min nocofunu shara. Na unu shara ua inanhuun un afanan nomipacunonma un afanan nuno unu fiiyononma —huaiton.
16—Min funu ihuitahuun afanan nasoshquin, —huaiton.
17—Uncai funuyamafinquin, —huaiton. —Icon mincai funu fustiyama. Minfin funu rananyaquin.
18Min funu mucu fustiti mia fimisifo. Natian min futsa fu ica. Min funucoinma fu. Icon min ua yoia, —huaiton.
19—Natian un tapia min Diosin tsain yoimisi.
Juan 4
Juan 4:13-19