17Godigo aga Ogwa e tǫba tagala palali te e tǫde we bidi po tų dodolomainogo me tagala palobeo. Te menio. God aga Ogwa tagala palali da, te da tǫde we bidi ma dobola sagasomainogo yai.
18Niwai bidigo God aga Ogwaba homu mubaso da, teda te bidi da aga po tų menio, Godigo agabolo dene magobeo. Tiali ma, niwai bidi aga Godigo Ogwaba homu musiąwani bidi da, Godigo te bidibolo po tų dodolama, dene mawaibao. Magi basowe? Te bidi agai God agai ogwa teba homu mubeo.
19Tama te po tų yabo page tama telalubo. Ula yali e tǫde polo pedalai dao. Tialima, bidi dabe augwaligo homugo hulia sabo augwaligo godola pai. Augwaligo ula te godolo ebeo. Magi basowe? Augwaligo kolesaga te dwalio.
20Dwai kolesaga ebo bidi agai te ulade boi bidi ebo dao. Agai dwai kolesaga yali hania ugwaba sela muidali weyu, aga te ulaba asobo menio.
21Tialima, te dwagi yai kolesaga mu ebo bidi, te bidi aga da te ulaba pedalobo dao. Tama bidi dabe augwaligo te bidi agai sę yali te Godigo bomode te sę yai bugagia sumainogo, te bidi ulaba asobo dao.
Jon 3
Jon 3:17-21