17तिग्दा भिसम परमेश्वरसे ह्राङला झादा जम्बुलिङदा सजाय पिन्बारी पुइखबा आहिन। तर थेग्याम जम्बुलिङसे थार्बा याङ्गै भिसी पुइखबा हिन्ना।
18जुन म्हिसे परमेश्वरला झाथोरी विश्वास लला, थेला दोष आउन। तर विश्वास आलबा म्हिला चा ङाच्छान दोष उन्सी जिन्बा तला। तिग्दा भिसम थेसे परमेश्वरला झादा विश्वास आलनी।
19दोषी खाह्रङ् लसी तला भिसम य्हाल जम्बुलिङरी खसी जिन्सैनोन म्हिगदेदा य्हाल भन्दा धोपधोपनोन सेम निजी। तिग्दा भिसम थेनीगदेसे लबा गेनोन आज्यबा मुबा।
20आज्यबा गे लबागदेसे य्हालदा हेला लमुला। तिग्दा भिसम य्हालरी खमाहेन्से थेनीगदेसे लबा आज्यबा गे जम्मासेन म्राङ्ला भिसी थेनीगदे य्हालरी आखबा हिन्ना।
21तर थेसे लबा जम्मान गे परमेश्वरदेन छ्याम गिक तसी लबा हिन्ना भिसी जम्मासेन म्राङ्गै भिसी सत्य तामदा तेन्बा म्हि य्हालरी खबा हिन्ना।”
यूहन्ना 3
यूहन्ना 3:17-21