João 4:43-53

⁴³Mokõi Jesus'ga kiri pevo. A'ero ga hoi Galiléiapeve'g̃a gwyri pe upa.

⁴⁴A'ereki Jesus'ga e'i jipe: “Kiroki g̃a pevo u Tupana'ga nhi'ig̃a mombe'uhara'ga gwyri pe – g̃a nomondoi imohina ga rehe jipi,” ei ga.

⁴⁵A'ero Jesus'ga hoi Galiléiapeve'g̃a gwyri pe. Ga repiagame g̃a ndoryndoryvamo ga rehe. A'ereki g̃a gwepia na'ẽ Jesus'ga cidade de Jerusalém me. A'ereki g̃a oho na'ẽ pevo toryva repiaga. Pevo g̃a hepiapavi Jesus'ga japoparavuhurame ahemonhimomby'ava'ea. Nurã g̃a ndoryndoryvamo Jesus'ga rehe ga repiaga ogwyri pe.

⁴⁶Aerẽ Jesus'ga hoa'javi cidade de Caná pe Galiléiapeve'g̃a gwyri pe jitehe – perope ga ombote yhya vinhoramo ikwehe. A'evo jitehe Jesus'ga hoi. A'ero ga ruri Jesus'ga pyri g̃anduvihava'gareheve'ga. Gara'yra'ga itetirũa hete ojipe'g̃a cidade pe Cafarnaum me.

⁴⁷Galiléiapeve'g̃a e'i ga pe a'ero: —Uhu Jesus'ga kiro nhande pyri Judéiapeve'g̃a gwyra hugwi, ei g̃a ga mombe'gwovo ga pe. A'ero ga ruri Jesus'ga pyri javo. —Herejo xaho ji rupi jira'yra'ga repiaga teremombi ti karugwara ga hugwi, ei ga. A'ereki ga omano g̃werĩ, ei ga Jesus'ga pe.

⁴⁸Igwete Jesus'ga ei: —Hepiage'ymame ahemonhimomby'aheteva'ea po pe ndapejikogi tuhẽ ji rehe, ei ga ga pe.

⁴⁹—Xaho tuhẽ ti ji rupi, ei ga Jesus'ga pe. Nde hoe'ymame po ti jira'yra'ga manoi a'ero nehẽ, ei ga.

⁵⁰—Kiro ndera'yra'ga nhimohig̃atui, ei Jesus'ga ga pe. Heregwovo ga pyri a'ero ga repiaga, ei ga. Gwerovia ga Jesus'ga nhi'ig̃a a'ero ogwovo tahepia ti javo.

⁵¹Ga horame pea rupi gapyrive'g̃a nduri ga rovatiamo. —Onhimohig̃atu kiro ndera'yra'ga, ei g̃a ga pe.

⁵²—Marananime kwara nhimonaname ga rehe raji'i? ei ga g̃a pe. —Kirame ahaji katu nhimonaname ga rehe oji'i, ei g̃a imombe'gwovo ga pe.

⁵³A'ero ga ikwahavi javo. —A'ea rupi tuhẽ Jesus'ga ei ji ve oji'i: “Kiro ndera'yra'ga nhimohig̃atui,” ei ga. A'ero g̃a jikopavi Jesus'ga rehe gaha g̃wongapeve'g̃a pavẽi.