SAN JUAN 4:43-53

⁴³Kionga je jaꞌa jó nixtjin, Jesús ꞌetju kio ꞌba kiji ngani nangi Galilea.

⁴⁴Ngatꞌa Jesús kitsuyakixi nga jngu profeta bi ꞌyakun ña nangire fa.

⁴⁵ꞌBa kionga echu nangi Galilea, xuta xi kio tseꞌe kiskjebetjo, ngatꞌa tsabe ngayéje xi kitsaꞌen Jesús naxinanda Jerusalén ngajinre sꞌiu. Ngatꞌa ko kui kiji sꞌiu.

⁴⁶ꞌBatsaꞌen echu ngani Jesús Caná, ngaꞌnde xi tijña ngajinre nangi Galilea, ña nando kitsaꞌenni binu. ꞌBa naxinanda Capernaum tijña jngu xuta xi tsaꞌexatꞌare rey xi ꞌñu tjiꞌme kiꞌndire.

⁴⁷Kionga kui kjintꞌe en nga Jesús ꞌetju nangi Judea ꞌba nga jaꞌe nangi Galilea, ꞌbatsaꞌen jaꞌekun Jesús ꞌba ꞌetsꞌare nga kuaje ndaba, tuxi sindani kiꞌndire xi je mején kueya.

⁴⁸ꞌBamani Jesús kitsure: —Tsa bi xio kjuakun ko chuba xi bakutsejen kjuaꞌñure Naꞌenchana, bi ku̱akjainnu.

⁴⁹ꞌBa xi tsaꞌexatꞌare rey kitsure: —Naꞌen, tiꞌen kjuanda, ndibafanichi ndeꞌanire nga kje ꞌmejín kiꞌndina̱.

⁵⁰ꞌBa kio Jesús kitsure: —Tꞌin ngani niꞌyari. Je nda ngani kiꞌndiri. ꞌBa xutabiu kuakjainre en xi kitsu Jesús ꞌba kiji.

⁵¹ꞌBa kionga je masen tjen ndiyo, kisatejin nchja chuꞌndare ꞌba kitsure: —Je nda ngani kiꞌndiri.

⁵²ꞌBatsaꞌen xutabiu tsiningiyare nchja chuꞌndare jó chun ꞌetutsꞌinre nga kuanda ngani kiꞌndire, ꞌba nchjabiu kitsingojore: —Chuba jngu nga kuangixun ngujña ꞌetjukajinre chiꞌin ntꞌai kiꞌndiri.

⁵³ꞌBatsaꞌen naꞌenre kiꞌndibiu jaꞌetsjenre nga kui= chubabiu nga Jesús kitsure: “Je nda ngani kiꞌndiri.” ꞌBa xutabiu ko ngatsiꞌi xi tjin ngaya ndaba kuakjainre ngatꞌare Jesús.