6Kêam saleŋŋa to domba ŋalatu oc sêmoa sêwiŋ tauŋ ma pusip saleŋŋa to noniŋ ŋalatu oc sênêc sêwiŋ tauŋ. Bulimakao ŋalatu to lewe oc sêniŋ geŋ sêwiŋ tauŋ ma ŋapalê sauŋ teŋ oc êwê êsêac.
7Bulimakao to iwa oc sê sêlêb êndêŋ tauŋ ma nêŋ ŋalatu oc sênêc napaŋ-napaŋ tauŋ, ma lewe oc êniŋ gêgwaŋ êtôm bulimakao.
8Ŋapalê dedec oc êtu dôa-dôa êŋgôŋ moacwêmnê gêsuŋ ŋaô ma ŋapalê sauŋ oc êkêŋ lêma êsô moacmôsinê ic êna.
9Lau oc sêŋgôm tauŋ sec to sêlênsu tauŋ aŋga aêŋoc lôc dabuŋ atom, gebe lau sêjala Apômtau kêtu tôŋ kêtôm gamêŋgeŋ amboac dembom gêjam gwêc samucgeŋ auc.
Jesaia 11
Jesaia 11:6-9