Jeremia 6

1

2

6

7

9

14

15

18

19

20

23

26

31

36

37

38

52

¹⁶Apômtau kêsôm biŋ tonec gebe “Naakô intêna ŋatali ma alic ma atu kênac intêna andaŋgeŋŋa e atap intêna moasiŋŋa tau sa ma asa intêna tau, go atap katôm ŋagamêŋ alêwaŋ taômŋa sa. Mago êsêac sêsôm gebe ‘Aêac adec, oc asa intêna tonaŋ atom.’

¹⁷Ma aê kakêŋ dibwaga gêdêŋ amac, tec sêsôm gebe ‘Aŋô dauc kêtaŋ.’ Mago êsêac sêsôm gebe ‘Aêac adec, oc aŋô atom.’

¹⁸Kêtu tonaŋŋa amac tenteŋlatu aŋô ma amac gôlôac, ajala gêŋ, taŋ êtap êsêac sa naŋ acgom.

¹⁹O nom, ôŋô. Ôlic acgom, aê oc jakêŋ gêŋ sec, taŋ kêtu êsêac sêkac tauŋ su ŋaŋanô naŋ, êpi êsêac gebe êsêac sêkêŋ taŋeŋ ŋoc biŋ atom ma têtiŋ ŋoc biŋsu su.

²⁰Êsêac sêkêŋ gêŋmalu aŋga gamêŋ Seba ma gêŋ ŋakana aŋga gamêŋ jaêcsêga gêdêŋ aê kêtu ageŋŋa. Amacnêm daja kêtôm gebe jakôc sa atom ma amacnêm da ŋagêdô gêjac aê matocanô atom.

²¹Tec Apômtau kêsôm biŋ tonec gebe ‘Alic acgom, aê jatoc poc sêndiŋ eŋkaiŋ êpiŋa êŋgôŋ gebe lau tonec sêndiŋ eŋkaiŋ êpi e sembeŋ. Tameŋi to latuŋi ma nêŋ lau jabaŋ to nêŋ sêlêb oc sênaŋa samob.’”

²²Apômtau kêsôm biŋ tonec gebe “Alic acgom, lau-m teŋ sêmêŋ aŋga gamêŋ nodoŋa ma lau toŋ kapôêŋ teŋ dêdi aŋga nom ŋagamêŋ nodoŋa ma lau toŋ kapôêŋ teŋ dêdi aŋga nom ŋagamêŋ jaêcsêgaŋa.

²³Êsêac sêkôc talam to kêm. Êsêac lau wauc-wauctêna to taêŋ walô lau atom. Êsêacnêŋ ŋakicsêa kêtôm gwêc kêgasim ŋakicsêa. Êsêac sêŋgôŋ hos ŋaô ma sêsuŋ nêŋ laukasap sa gebe sênac siŋ êndêŋ aôm, Sion latuo.”

²⁴Aêac taŋô biŋ tonec ŋawae, tec lemeŋ kêtu goloŋ ma nêŋ ŋalêlôm ŋatutuc kêsa, ŋandaŋ kêtuŋ aêac amboac ŋapalê kêtuŋ awê teŋ.

²⁵Ana kôm atom, asêlêŋ amoa intêna atom gebe ŋacjonê siŋ gebe enseŋ amac su ma gêŋ ŋaclai sec êtakê amacŋa gêjam gamêŋ auc.

²⁶“O ŋoc lau latuŋio, ôsô talu sa ma ônsambi sa ônsac wao.” Ôpuc taŋiboa sa amboac ŋac teŋ, taŋ gêjam taê tau kêtu nê latu tageŋŋa. Ôtaŋ ŋanôgeŋ gebe ŋac-enseŋ-gêŋ-suwaga oc mêŋêpi aêac sep tageŋ.

²⁷“Aê kakêŋ aôm gebe ônsaê to ônam dôŋ ŋoc lau gebe ôjala to ônsaê êsêacnêŋ lêŋ.

²⁸Êsêac samob sêli tauŋ sa togêsuŋtêkwa ŋatoŋgeŋ. Êsêac sêjac laoc gamêŋgeŋ ma sêga biŋ kêpi lau. Êsêac têtôm ki joŋjoŋ to ki jejec. Êsêac samob sêgôm sec.

²⁹Êsêac sêguc ŋajaŋa sec gebe ja elom, mago ki bobobgeŋ kêsa aŋga ja gêmêŋ. Êsêac sêgôm elêmê, mago têtôm gebe têtiŋ lau sec su atom.

³⁰Sêsam lau sec gebe silberbôm, gebe Apômtau kêtiŋ êsêac su.” silber sa atom, têtap ki bobobgeŋ sa, ma propete gêjam dôŋ lau sec kêpi ki bobob tau.