Jenesis 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Ya i dah sare Adam oro ai. Len Kindrei mwesekei lau awas badeh, iy mwesekei konen i le buku iy.

²(Iy mwesekei uru ari mwan ma badih ano iy atehei nyosowan i turu ma tondrohani uru “Lau”).

³Len Adam jaha tan asahan rinek tonoh (130) badeh nadun ari asahan ya konen i le buku iy, eme iy tondrohani nyaran Set.

⁴Ano hamon ta aliy badeh Adam udu winiya jaha ndru lunek (800), ma iy badeh nadun rayah ale udu aliy.

⁵Ano jaha tan i ndro rawa tonoh (930) badeh ma iy imek.

⁶Len Set jaha tan asahan rinek limeh (105), badeh nadun ari asahan nyaran Inos.

⁷Eme iy udu winiya jaha ndru lunek ndro taloh (807) ma iy badeh nadun rayah ale udu aliy.

⁸Ano jaha tan asahan ndro rawa ronoh la-uh (912) badeh iy imek.

⁹Len Inos jaha tan asahan ndro ronoh (90), badeh iy atehei nadun ari nyaran Kenan,

¹⁰eme iy badeh udu winiya jaha ndru lunek ronoh limeh (815). Iy badeh nadun rayah udu aliy ale.

¹¹Ano jaha tan asahan ndro rawa limeh (905) badeh ma iy imek.

¹²Ano len Kenan jaha tan asahan ndro tonoh (70) badeh iy atehei nadun ari nyaran Mahalalel,

¹³ano iy udu winiya jaha ma ndru lunek hanoh (840) ma iy nadun rayah ale udu aliy.

¹⁴Ano jaha tan asahan ndro rawa ronoh (910) badeh iy imek.

¹⁵Ano len Mahalalel jaha tan asahan ndro hanoh limeh (65) badeh iy atehei nadun mwan ari nyaran Jaret.

¹⁶Ano iy udu badeh winiya jaha ndru lunek tonoh (830). Ma iy badeh nadun rayah udu aliy ale.

¹⁷Ano na jaha ndru lunek ndro tonoh limeh (895) badeh iy imek.

¹⁸Ano na len Jaret jaha tan asahan rinek ndro hanoh la-uh (162) badeh iy atehei nadun mwan ari nyaran Inok.

¹⁹Ano iy udu winiya jaha ma ndru lunek (800). Ma iy ale nadun rayah ale udu aliy.

²⁰Ano na jaha ndro rawa ndro hanoh la-uh (962), badeh ma iy imek.

²¹Ano len Inok jaha tan asahan ndro hanoh limeh (65) badeh, iy atehei nadun mwan ari nyaran Matusala.

²²Ano hamon ta aliy badeh Inok badeh in hamon ta sahou ta Kindrei winiya jaha tonek (300), ma nadun rayah ja asahan.

²³Iy udu badeh winiya jaha ma tonek ndro hanoh limeh (365).

²⁴Iy anuhun sahou ta Kindrei ma iy in hamon ta Kindrei handru; ano iy amai leleyah, Kindrei kuhi iy iu.

²⁵Ano len Matusala jaha tan asahan rinek ndru lunoh ndro taloh (187) badeh iy atehei nadun ari mwan badeh nyaran Lemek.

²⁶Ano iy udu winiya jaha ndru tuluwi ndru lunoh la-uh (782) ma iy nadun rayah badeh udu aliy ale.

²⁷Ano jaha tan asahan ndro rawa ndro hanoh ndro ari (969) badeh ma iy imek.

²⁸Ano len Lemek jaha tan asahan rinek ndru lunoh la-uh (182) badeh iy atehei nadun mwan ari nyaran Nowa.

²⁹Eme iy tiye i buku doh, “Tasah ta munyak mene ndrandra-i, i dah kameh i nah dah kameh aseben taha ta lahou boto-on taha amwekes.” Eme iy tondrohani nyaran badeh Nowa.

³⁰Eme Lemek badeh udu le winiya jaha lemenek ndro ronoh limeh (595) ma nadun rayah udu aliy ale.

³¹Ano jaha tan asahan ndro tonek ndro tonoh ndro taloh (777) badeh ma, iy imek.

³²Ano hamon Nowa jaha tan asahan lemenek (500), badeh iy atehei nadun mwan oro ma taloh, Sem eh, Ham eh, ma hawe Jepet.