Jan 5:38-46

³⁸Nou pa kenbe pawòl li yo nan kè nou, paske nou pa kwè nan moun li voye a.

³⁹N'ap plede etidye sa ki ekri nan Liv la, paske nou mete nan tèt nou nou ka jwenn lavi ki pa janm fini an ladan li. Men, se Liv sa a menm ki pale sou mwen.

⁴⁰Malgre sa, nou pa vle vin jwenn mwen pou nou ka gen lavi tout bon an.

⁴¹Mwen p'ap chache lwanj nan men lèzòm.

⁴²Men, mwen konnen ki moun nou ye: nou pa gen renmen pou Bondye nan kè nou.

⁴³Se Papa m' ki voye mwen. Men, nou pa vle resevwa mwen. Men, kite yon lòt moun vin pou kont li, n'ap resevwa li.

⁴⁴Nou renmen resevwa lwanj yonn nan men lòt, nou pa chache lwanj ki soti nan men Bondye ki pa gen parèy la. Nan kondisyon sa a, ki jan pou nou kwè?

⁴⁵Pa mete nan tèt nou mwen pral akize nou devan Papa mwen. Se Moyiz ki pral akize nou, Moyiz nou di ki tout espwa nou an.

⁴⁶Si nou te kwè tout bon nan Moyiz, nou ta kwè nan mwen tou, paske li ekri sou mwen tou.