Isáysa 14

1

2

5

6

7

8

9

14

25

32

40

42

44

45

49

50

52

53

54

55

56

58

60

61

65

66

³Siy Israelchichis, mazinangtsa. Apanll iyaa kizpur tapachindachiya. Ashkachu, ndusha kiyung kachiychiniya. Tputssha nduntam iyaa tumuchchurtachinlliniya.

⁴Anpursha iy Babiloniyshuchee urkari stachiniya. Stakurini, yaseesshee kis yasichiniya.

⁵Apanll Babiloniyshuchee urkar kapeetarangiya. Nimun arapcheewaa tputs yusur nda kiyung yachachiya. Yuw tputsee pakchiyam nda nayanirangu, an kurak na pastarangiya.

⁷Na tsapurunasshuch tputs ichingarusin mapiyrshapsinaya taachinllinaya. Mang' kis yasiyastar ashchinllinaya.

⁸Shiy Babiloniyshuchish kurakish na tsiparangush, Libanshuchee wárpanari nda tuwakush, karipansha ksatam taachiya. Apanll shiyaa Babiloniyshucheetsish kurakish na waneerangiya. ¿Antaati shiy karipanaa na yusur tuwakush kiyung yachacheezish? Ndambari.

⁹Kanizpitam naatarangush, amb kaniz shiyaa paksin, zamangachinllinaya. Maamaartaatssin, támeersin, shiyaa paksin, shitungartakanaya. Kaniz urkareew ashparit uxinashee kasayarusin, shiyaa chamayangakanaya.

¹⁰Shiyaa chamayangayarusin, atanaya: Na shiy wizpurirish nduneerangu, ningeem kanizshutam kusarangsha. Iy tsiparangini, shiy ashiritamtish tsiparangsha.

¹¹Ngutish ungareem taarangush, itaru natunaa mantsirishtam taakamatsha. Mangish kis kitarpa michitarangush, natsha mbich shiyaa nutseetsish katungkana. ¿Tamaysha shiy kizpuritaatish ashirangsha? kaniz staksin atanaya shiyaatsi.

¹²Babiloniyshucheetsish kurakish, nuw shiyaa atashina. Kizpuritaa taarangush, shiyamari tsapurunasshchee kasirangsha. ¿Tamaysha shiy kanindash kizpuritaa taarangush, natsha tsapush pantsarangsha? Shiy, Nuw Apanll tamaparee ashiruri kizpur taakina, tárangitaatish, itaru natsha pantsatataraa ashirangsha.

¹³Itaru, shiy tárangimandish: Nuwamari kanindap káreeruri, anush tsirari mbam wayayaruri, anumun nuw kuxinxinaw ashtachima. Amb ashkachuri, Apanll tínamarini, tsangachtam ichingaru tsapush taachinllinaya. Machimun apanlleeruri, Apanllpa ipuneeruri, taachina.

¹⁴Msasee arang káreeruri, Apanllpaz ashiruri kizpur kurakaam kinachima, tárangsha.

¹⁵Itaru, na ¿tamasha ashirangsha? Waj, Apanll shiyaa tsapush kapeetarangu, marush wantsushpaz ashiru yangakataraa ashirangush, kanizshutam taaksha.

¹⁶Tputs shiyaa atusin, mangu napataranll ashkanaya. Pakchusin, shiyaa atanaya: ¿Chak in ashtar? ¿Ndusha yuw tputs tsapurunasee tpuxtarangu an? ¿Ndusha tapazpan taarangu, wamarisha kasirangu, nda an?

¹⁷Sirú yaktaa kapeetarangush, tsapunandari taarangu, Tputsee tumanarangush, tashitungamaam nda zandarangish. ¿Antaati shiy wattish? Ndambaree. Itaru na ¿tamaru taaka? Tputs shiyaa atanaya. Nuw shiyaa Israelshucheetsis Babiloniyshuchee urkari kizpur stakus tángtsa tina.