Hechos 5:16-23

¹⁶Mayyä paꞌamjäyaꞌayhajxy hänajty jim̱ yajmec̈hii Jerusalén, møød jaꞌa hajxy haxøøgpä caꞌa hoybä møødpä, jaꞌa hajxy hänajty tsohm̱bä Jerusaléncajptpaꞌa mäwiingóṉ. Nägøx̱iä hajxy hänajty yajmøcpøgyii.

¹⁷Coo teedywiindsøṉhajxy jaduhṉ miädoyhajty coo paꞌamjäyaꞌayhajxy hänajty may tøø wyiꞌi miøcpøcy, mänit hajxy nägøꞌø nädecypiä jiootmaꞌty, møødä saduceodøjc‑hajxy. Hix̱, cabä apóstoldøjc‑hajxy hänajty yajmädsogyii coo hajxy hänajty tehṉgahnä wyiꞌi yajnähixøꞌøy jaꞌa Jesúscøxpä.

¹⁸Mänitä apóstoldøjc‑hajxy hoy chumyii.

¹⁹Mänitcoodsä Diosmoonsä jaꞌa pujxtøghaaw hoy yaghawaꞌac̈h. Mänitä apóstoldøjc‑hajxy yhøxwoobädsøøm̱ä jaꞌa Diosmóonsäm.

²⁰Mänit hajxy ñämaayyä: ―Coo jiobǿꞌøwät, mänit hajxy jim̱ mnǿcxät maa tsajtøjcän. Jim̱ä cuꞌug hajxy myajnähixǿꞌøwät neby hajxy ñähwáꞌadsät, neby hajxy jaduhṉ jiugyhádät cøjxtaꞌaxiøø nebiä Dios jiugyhatiän ―nøm̱ä Diosmoonsä miänaaṉ̃.

²¹Coo jiobøøyy, mänitä apóstoldøjc‑hajxy jim̱ jiaanc̈h nøcxy tsajtøgooty neby hajxy hänajty tøø ñämaꞌayiijän jaꞌa Diosmóonsäm. Mänitä cuꞌug hajxy tiägøøyy yajnähixøøbiä. Mänitä teedywiindsøṉhajxy miänaaṉ̃ coo hajxy nägøx̱iä yhamugǿꞌøwät juntahajpä, møødä majtøjc‑hajxy israelítabä. Mänit hajxy miänaaṉ̃ coo tsum̱yhänaꞌc‑hajxy jim̱ yajmedsǿøjät maa junta hajxy hänajty yagjadyiijän.

²²Coo policíashajxy jim̱ miejch maa pujxtøjcän, cab pøṉ hänajty jiibiän. Mänitä policíashajxy wyiimbijty.

²³Mänit hajxy miänaaṉ̃: ―Coo højts jim̱ nmejch maa pujxtøjcän, jeꞌenä hänajty hoy yhaawguiic̈hä. Jim̱ä soldadohajxy hänajty yhadänaꞌayñä maa pujxtøghaawän. Pero coo højts jiiby nja tøjtägøøyy, cab pøṉ hänajty jiibiän ―nøm̱ä policíashajxy miänaaṉ̃.