16Ingwer-rnem tawen-el anenh-rnemel Jerusalem-ampenyel. Rernem arntety-rnem-then arrenty-akert-rnem-then atnwenhenh. Kwertengerl-rnemel renh-rnem mwerrilek.
17Atetyart ilkwa Jew-kenh tyaty-areny-rnem-then Sadducee-rnem-then rernem ikwer-rnem-kety arlkarirrek.
18Angkakert renh-rnem anterrkwek, tyayl-ek-anem akwernemel.
19Ingwel Ingkart-kenh angel apetyek, arriw ikwer-rnem-anem altywerilek, renh-rnem tyarlewek tyayl-they.
20Angel-el renh-rnem ilek, “Tyaty Jew-kenh-warl alhenherr-arey, renh-rnem iletyek, rernem arraty-angkwarr apentetyek.”
21Ingkeny tyerrelhenhey-alentyel, rernem alhek tyaty ilkwewarl, renh-rnem akalty-anthetyek. Atetyart ilkwa warrkenh ikwerenh-rnem-then rernem Council-rnem akarrilek, rernem angkerretyek. Rernem angkakert-rnemek yangkelhek.
22Tyayl-areny iltyemwerney-rnem ikwer-rnem ywarek. Rernem ilek,
23“Anantherr tyayl-warl alhek. Tyayl renh arey-alhek martekarl ra ayntenh. Tyayl arntarnt-arey-angker-rnem arriw ikwer-itwek rtnenh. Anantherr arriw altywerilek, arrangkw-anem arey-alhek.”
Acts 5
Acts 5:16-23