GWAY GI IDAWUU’D 99:1-7

¹Tap̱a a’di ijiki’da ji mo. Dhalki ’kwani deen ki bir bir mo. A’di c̱a’bki’d eya ḵursi ma Maliḵ eya p̱owa c̱arabiim mo. Dhalki mony’cesh theḵ she/ mo.

²Tap̱a a’di caaca eya Sihyuun mo. A’di ikarkunu ki ca ap̱owa ris ’kwani ’baar mo.

³Dhalki ’kwani maŋ gway pini mo jin caaca mo dhala purem pini mo. A’di iḵogu mo.

⁴Maliḵ a’di c̱a’bki dem dem mo, a’di jin enki mo ma ḵar/e mo. /E ṯelki mo jin daru gi mii ma dehe/ sho’k mo. /E ki tor gwowa bora ’cesh gom mii ma ḵar/e mo dhali mo ma ḵar/e goma Yakuub mo.

⁵Kari Tap̱a Arumgimis bana ki ca mo. Luŋi a’di e cwam piti jin dhuna a’di sho’k mo. A’di iḵogu mo.

⁶Musa dhala Haruun uni ita kum piti ibwaman ma gasiis mo. Samu/iil si’da/ a’di ita jim piti e bwaman uni gwansan kun yuḵki gway piti mo. Uni ki ko ’twa/i Tap̱a mo tani dhali a’di ithoḵki uni gwo mo be.

⁷A’di ṯorki uni gwo ka raḵ jin wana e ka ḵa’dum ki jamas piti mo. Uni dhuki gwonyc̱im piti mo, dhali gwoŋḵan piti kun bahu mo kun c̱ikina a’di uni mo.