GWAY GI IDAWUU’D 94:13-23

¹³mmoc̱i a’di isa haju/ ’pena teem piti jin ṯoju a’di bwa mo, ntagi jisa ’kulga/ minu c̱wany mo gom a’di jin ta thus ki thus mo.

¹⁴Haali/ Tap̱a midi diki dhal ’kwanim piti ’pen mo. A’di midi diki dhal mal piti ’pen mo.

¹⁵Mo jin dhunuwa dhu ka p̱o/ midi doḵu/ mo e mo jin ta’da ḵar/e mo, dhali aris uni ’baar mo kun dhelel ma du mo tani uni mini baṯẖ a’di isho’k mo be.

¹⁶Kaja a’di jin cu mis gom aha/ ap̱o/ uni kun ta thus ki thus mo? Kaja a’di jin doshki’d gom aha/ ap̱o/ imanmii tonthus mo?

¹⁷Waḵki/ Tap̱a midi diki ta manwoṯẖ pem mo tani aḵashiram pem ishunsan gana/ moyi midi c̱a’b ki shwamm e mony’cesh jin ’konu ki shwamm mo.

¹⁸Ki aha/ kulumkina gwo ibwa mo ki: Sho’k pem yereski’d mo tani mo/en pini jin ṯelu sho’k mo, ayy Tap̱a, a’di ibu’thki aha/ mmodosh mo be.

¹⁹Ki mo ma teṯe/ ma dum pem tana ris mo tani momalas pini uni ’kunykina ḵashiram pem bwa mo be.

²⁰Mina itap̱a kun ta thus ki thus mish gwo gam me’d nyaḵki /e mo, uni kun thosonki gwoŋḵan kun bahu kun tanuwa pibi ka pibi mo?

²¹Uni ’tuntulki isi monṯal ’de/ ap̱o/ mondiki/e gi wathiŋ ḵar/e mo, dhali waḵ a’di jin di’d ka p̱o/ mmokar a’di mmowu mo.

²²Hili Tap̱a a’di warki’d ka cur pem jin ṯenu gwo mo, dhali Arumgimis pem ta wosh pem jin hurga/ jwa mo.

²³A’di midi doḵki uni to i is mo gom miiny ’coḵgam buni mo dhali dhi’th uni sho’k ka pupush ’peni miim buni kun tana uni thus ki thus mo. Tap̱a Arumgimis bana midi dhi’th uni sho’k ka je’desh mo.