GWAY GI IDAWUU’D 79:3-11

³Uni wolkina bas buni me’d yi’de/ mo mmo’kam Pa Urushaliim is mo dhali jaŋkamu/ di’d jin kan uniya?

⁴Ana warkina ki uni gun c̱inu gura/ ki imannyaḵ ’kom bana mo, dhali miikunu ka maḵ mo dhali p̱e’th ki p̱etha sor ki uni gwansan kun ’kamki ana is mo.

⁵Ayy Tap̱a, kakasja imina /e di mo mmomiiya nyor mo? Min ma nyor pini ’peni bwan ṯa’c pini diki pur me’d o’da?

⁶Woli /e anyor pini ap̱o/ kal gi ’kwaniny’cesh mo uni kun ’koki mish /e mo, dhali eya dhan bampa/ mo uni kun ’koki yuḵ gway pini mo.

⁷Haali/ uni loskina Yakuub mo, dhali shi/ mom piti is mo.

⁸Dhalku/ ki doḵ/e ka gwo e ap̱o/ am gom miinthus kun miikina ibabam bam kadhamo/ mo. Dhalki mo ma ’thimem pini jin hilu ki mo/en p̱u’du’d ki jahanne/ gam am ’kup̱ mo, haali/ aman dhukunu e mo jin ’the am is ki ’the ka luŋgu’b mo.

⁹Woṯẖi/ aman mo, ayy Arumgimis, jin ta bway mowoṯẖ bam mo, ki gway gi monycam pini mo. ’Cuḵi aman mo dhali gwami aman ’peni miinthus bam mo, gom gway gi gway pini mo.

¹⁰Ki to jin ta’da ta imina kal gi ’kwaniny’cesh i/o gwo mo ki: Mane Arumgimis buni mane? Dhalki mori’c pini goma bas gi c̱iŋkinam pini jin gac̱kunuwa ’cesh mo, dhalki a’di mishu mo e bwaman kal gi ’kwaniny’cesh e bwambori jis/em bam mo.

¹¹Dhalki mo/ohon gi uni gun dhunuwa sijin p̱u’dkini bwambori /e mo, ki isi ki dhan mom’bi’th pini mo ki /e mini ’tash uni ’twa/ mo uni gwansan kun ’disha ’twa/ mmowu mo.