GWAY GI IDAWUU’D 74:12-15

¹²Hili Arumgimis jin ta’da maliḵ pem mo a’di jin diki’d ’peni kadhamo/ mo, jin miiki bway gi mowoṯẖ e bwaman gi mony’cesh mo.

¹³/E ki ḵwa/ dhan yi’de/ bwa ki mii ma dem dem pini mo. /E ki ’ce’d ’kup̱ ma dhan tasha/ ki bwam yi’de/ mo.

¹⁴/E ki pwaṯẖ ’kup̱ gi dhan to yi’de/ mo, dhali /e ki c̱i a’di mmota tonṯe/ gom uni kun uḵu kun ’kon e bwaasho mo.

¹⁵/E ki tirki wosh mo dhali ḵa’d a’di ’twa/ mo dhali du’d yi’de/ mo dhali yi’de/ ki ’thonthor mo. /E ki ḵu’thki yi’de/ jin sokin e bwam ma gap̱ mo.