GWAY GI IDAWUU’D 63:2-8

²Wakan aha/ hilkina ap̱o/ /e e mo jin ḵogu mo mmohil mom’bi’th pini mo dhali monyca mo.

³Haali/ mo/en pini jin ṯelu sho’k mo tani a’di ’borki’d mo mmobol mondiki/e e mo, ’twa/ pem midi maŋ /e mo be.

⁴Wakan aha/ mina ’bor /e mii mo isi me’d jin miga/ di ki e mo. Aha/ mina ’de’k me’d pem ’kup̱ ki mis mo dhali yuḵa yuḵ ap̱o/ gway pini mo.

⁵Aḵashiram pem a’di ’kunykina bwa mo me’d ki monoro’d mo dhali c̱a’bki momoṯ momoṯ mo dhali ’twa/ pem a’di maŋki /e ki moŋ’kuny bwa jin ta ’twa/ mo.

⁶Ki aha/ kulumkina gwo ibwa gom /e ap̱owa cim pem jin ishka/ mo dhali kulum gwo ibwa gom /e mon’thiny kun timka/ tim mo.

⁷Haali/ /e tana manwoṯẖ aha/ mo, dhali eya la ma bim pini mo tani aha/ yuḵkina gway gom moŋ’kuny bwa mo be.

⁸Aḵashiram pem koṯẖki /e me’d mo. Dhali me’da bim poros pini bu’thki aha/ mo.