GWAY GI IDAWUU’D 48:2-9

²Dhali e ’kuwosha turgam piti jin turatur jin ḵogu mo, dhali jarom piti ki tur mo, a’di ta moŋ’kunyka/ gom ’kwaniny’ceshi ’baar mo. A’di jin ta Wosh ma Sihyuun mo jin di’d isa dhana/ ki ’ban ma bim poros mo, a’di jin ta ’peŋkuman bampa/ ma dhana Maliḵ mo.

³E bwaman gi gu’b mo gom montur piti mo tani Arumgimis ki ṯor is piti eya tente/ ki a’di ta a’di jin ’ce’de’da ’ce’d she/ mo.

⁴Bahili, imaliḵ uni tulki ’kup̱ mo, uni p̱u’dkini monṯal ’de/ mo be.

⁵Isi me’d jin p̱arkina uni a’di e mo tani uni merkin kagahara mo. Uni ’kokunu mmoduŋgur ’kup̱ is mo dhali uni sokin mo be.

⁶Mo jin deenu is ki bir bir mo tani a’di bu’thki uni mo, dhali uni ’pe’dki she/ me’da ’bom jin shwan ma ’ci mmomuri dho’th mo.

⁷Ki ’tham ki mom’pesho’k poshki’d mo tani /e ki p̱or uni bwa mo uni gun tana ḵur yi’de/ gi Pan Tarshiish mo.

⁸Me’d jin ciḵkina ana gwo mo tani wakan si’da/ p̱arkina ana e mo, e ’peŋkuman bampa/ gi Tap̱a gi momis mo, dhali e ’peŋkuman bampa/ ma Arumgimis bana mo, a’di jin ṯel ma Arumgimis sho’k ki sule/ sule/ mo. Doshi ma dhali ’cunycuri yan mo.

⁹Aman kulumkina gwo ibwa gom mo/en pini jin ṯelu sho’k mo, ayy Arumgimis, e bwaman gu’b gi mondheleladhelel pini mo.