GWAY GI IDAWUU’D 32:1-4

¹Mom’bor mii gom a’di jin gwamkunu gwon dhaŋ piti mo, a’di jin ta miinthus piti jin kumkunu ’kup̱ mo.

²Mom’bor mii gom wathi/ jin dina Tap̱a ki yer is ki gway gom miinthusa kamu/ mo, dhali e shi/in piti mo tani mo ma he’k e p̱iyi’d mo.

³Ki aha/ dinaki ṯor gwo miinthus pem mo tani buŋgwar is pem a’di muṯṯi’di ’baar mo e mo/ohon pem ka tee ’baar mo.

⁴Haali/ montee dhali mon’thiny mo tani me’d pini diṯadiṯ ap̱o/ aha/ mo. Mom’bi’th pem a’di ḵu’thki’d mo me’d mom’batha’d jin ’koshki to moyurantee mo. Doshi ma dhali ’cunycuri yan mo.