GWAY GI IDAWUU’D 14:2-6

²Tap̱a hilki mo ka luŋgu’b ’peni mis ap̱o/ uc̱i gi ’kwaniny’cesh mo mmop̱ar mo e mo waḵki/ jan ṯal ’deŋ kamu/ mii mii ki yuḵ yuḵ mo, mmosimm jasi Arumgimis e mo.

³Uni ’baar mo iikini dheres mo, uni ’baar mo wakina e ki to gun p̱u/kin mo, jan ṯal ’deŋ kamu/ yisa di’da jin mii mii jin ’boro’d mo, ṯal ’de/ p̱iyi’d mo be.

⁴’Kona uni ki nyiṯẖa/, aris imanmii tonthus mowa, uni kun shwa ’kwanim pem me’d tonṯe/ kun shwana uni mo, dhali uni ’koki yuḵ Tap̱a mo.

⁵Uni minu dhu ki dhan moŋḵo/ is mo, haali/ Arumgimis nyaḵ di ki ’kwani ma nyaḵum yil kun mii miiŋḵar/e mo.

⁶Um mini ’taki non mo jin thosona wathi/ jin hatha’ko’d ’twa/ mo tani, hili Tap̱a a’di ita jim piti jin hura a’di jwa nycine/ mo be.