GWAY GI IDAWUU’D 146:1-8

¹Maŋi Tap̱a mo. Maŋi Tap̱a mo ma, ayy ḵashiram pem.

²Aha/ mina maŋ Tap̱a ki aha/ dina mmodi ki e mo. Aha/ mina yuḵ gway mmomaŋa Arumgimis pem mo ka yiha/ ki aha/ dina ki e mo.

³Dhalku/ ki dhu mom bum jin gamu gwo is e iya/ gi imaliḵ mo, e ya/ gi ’kwani mo, e a’di jin dar gi mowoṯẖ mo.

⁴Ki shi/in piti ’baarki’d mo tani a’di doḵki’d ki bu’da’cesh ka nyaŋ’ko’d mo, Dhali ka tenteŋ gana/ yan mo tani to jin thosona a’di mo tani nyaḵ sho’k ’ce’d ki a’di mo.

⁵Bwam ’boro’d gom a’di jin ta gi mowoṯẖ ’pena Arumgimis ma Yakuub mo, a’di jin ta’d ga ’teŋ kap̱e/ e Tap̱a Arumgimis piti mo,

⁶a’di jin uḵki momis dhali mony’cesh mo, dhali ḵumma/ yi’de/ mo dhali aris to kun ’kon e bwaman uni mo, a’di jin dhu’da dhu ka dhu ma isiŋ gana/ ki sule/ sule/ mo,

⁷a’di jin torki gwon dwall ’twa/a ’cesh ki tora ḵar/e mo, gom uni gun siri’ckunuwa p̱o/ ki sho’k mo, a’di jin c̱iki tonṯe/ ki ’kwani kun ’kosha ṯe/ mo. Tap̱a dhuki uni kun tana habuus ki ’kus mo.

⁸Tap̱a ḵa’dki e gi ’kwani kun tana ja’da/ mo. Tap̱a ’de’kki uni gwansan kun ’kokin ki goŋgo/ mo. Tap̱a enki ’kwani kun miin ka ḵar/e mo.