GWAY GI IDAWUU’D 145:5-11

⁵Gom monyca ma ra/ ra/ pini mo dhali mo/eḵ pini mo dhali aris to kun miina /e ki momer mo tani aha/ mina kulum uni ibwa mo be.

⁶’Kwani mini bah dhan mo ma dem dem ma purem pini jin ḵala /e ki mii mo, dhali aha/ mina bah dhan monycam pini mo.

⁷Uni mini gac̱ miin tom pini jin ishi’d ka enthus ki gway pini jin tor /e ḵarash gom tom ’boron mo dhali yuḵ gway ki ’kal ’kal gom mo ma ḵar/em pini mo.

⁸Tap̱a a’di ta’da manmii mii ka ’the mo dhali amanmiimii mo, anyor piti maŋgala she/ mo dhali mo/en ishki’d jin ṯelu sho’k mo.

⁹Tap̱a a’di ’bora’bor gom ’kwani ’baar mo, dhali bwam ma ’thimem piti ki mo/en diki’da p̱owa ris ’kwani ’baar mo kun uḵkina a’di mo.

¹⁰Aris miin tom pini mini c̱i /e bwa jin ’boruwa ’bori is mo, ayy Tap̱a, dhali aris unim pini kun dhunu ki she/ ki dhelel dhelel mo tani uni mini ’bor /e mii mo.

¹¹Uni mini o gwo gom monyca gi bampam pini mo, dhali uni mini ṯor gwo gom mom’bi’th pini mo,