GWAY GI IDAWUU’D 143:1-3

¹Ciḵi mon’thom pem mo, ayy Tap̱a. Dhali c̱iyi ’cem pini ki tom pem kun ’thoka/ ka di’b me’di is mo. E mii ma isiŋ ganam pini mo tani thoḵi aha/ ’twa/ mo, e mo ma ḵar/em pini mo.

²Dhalku/ ki cic̱ mo e mo jin dwallu gwo nyaḵki c̱iŋkinam pini mo haali/ wathiŋ kamu/ yisa di’da jin di’d ki e jin ta’da ḵar/e ibwambori /e mo.

³Haali/ wathi/ jin ta ’kup̱ mo tani a’di urki aha/ isho’k mo. A’di yap̱ki mondiki/em pem ki sho’k itaga ’cesh mo. A’di ki kar aha/ mmoc̱a’b e mondhurumi’d mo me’d uni gwansan kun wukin ki wuŋ gana/ mo.