GWAY GI IDAWUU’D 13:2-6

²Dhali ki mo gi wakatinta imiga/ mii ḵal mom’pe’d shem pem eya ḵashiram pem mo, dhali ta gi mondiṯ bwa eya dum pem iyula tente/ kan mo? Ki mo gi wakatinta imina a’di jin ta ’kup̱ gi aha/ ica ap̱o/ aha/ mo?

³Nyiṯẖi ma dhali thoḵ aha/ gwo mo, ayy Tap̱a, Arumgimis pem mo. Kushi em pem mo isi ciki/ ki aha/ mina ish e mo e a’di jin ta mo/ish e gi mowu mo,

⁴isi ciki/ ki a’di jin ta ’kup̱ ki aha/ midi o gwo mo ki: Aha/ p̱ina a’di e mo be, isi ciki/ ki uni kun ta ’kup̱ ki aha/ mina bwa ’kuny mo haali/ aha/ yiḵinkunu is mo be.

⁵Hili aha/ gamkina gwo is mo e mo/en pini jin ṯelkunu sho’k mo, adum pem mina bwa ’kuny mo e bway mowoṯẖ pini mo.

⁶Aha/ mina yuḵ gway e Tap̱a mo, haali/ a’di mii aha/ ki ’bore/ ki miin to kun ishkin ka enthus mo.