GWAY GI IDAWUU’D 119:66-71

⁶⁶Ṯori aha/ gwo isi ki ṯor gana/ mo mmonyiṯẖ to mo dhali moyuḵ mo, haali/ aha/ gamkina gwo is e gwoŋḵan pini kun ’kwarkunu mo.

⁶⁷Nṯwa/a/ ki aha/ wo’ckunu is she/ mo tani aha/ yakina yam per mo, hili shwane/ aha/ dhukina gwom pini mo.

⁶⁸/E ’bora’bor mo dhali mii mii kun ’bora’bor mo. Ṯori aha/ gwoŋḵan pini kun bahu mo.

⁶⁹’Kwani kun ushina ga/ ga/ mo tani uni ’thoḵki aha/ ka ṯor mo, hili ka dum pemi ’baar mo aha/ dhukina gwoŋḵan gi ’twam pini mo.

⁷⁰Adum buni momaṯa/ momaṯ me’d ḵwalany mo, hili aha/ ’kunykina bwa mo e gwoŋḵan pini jin c̱inu mo.

⁷¹A’di ’boro’d gom aha/ ki aha/ jwakaṯkunuwa du mo ki aha/ mina da/ar gwoŋḵan pini kun bahu mo.