GWAY GI IDAWUU’D 119:57-62

⁵⁷Tap̱a a’di ita tom pem jin ’tuntulka/ bwa ime’d mo. Aha/ ona gwo is mmodhu gwom pini mo.

⁵⁸Aha/ ’thona mii ma ’them pini ka dum pemi ’baar mo. Miiyi mii ka ’the gom aha/ isi gi gwom pini jin ona /e is mo.

⁵⁹Ki aha/ kulumkina gwo ibwa gom bway pini mo tani aha/ woṯẖkina sho’k pem ’ba/ e gwonyc̱im pini mo.

⁶⁰Aha/ hurkina ki ’ta’b mo dhali diki ta adiiṯe/ mo mmodhu gwoŋḵan pini kun ’kwarkunu mo.

⁶¹Ba anyoḵ gi ’kwani kun ta thus ki thus mo tani uni bu’thki aha/ ka gume/ mo dhali aha/ dinaki this gwoŋḵan pini jin c̱inu e mo.

⁶²E mombwam/e mo tani aha/ cukina mis mmomaŋ /e mo, haali/ gom mii ma ḵar/em pini gi gwoŋḵan pini kun onu mo.