GWAY GI IDAWUU’D 119:34-46

³⁴C̱iyi aha/ mo jin mishu gwo ’ban mo ki aha/ mina dhu gwoŋḵan pini jin c̱inu mo dhali mii a’di ka dum pemi ’baar mo.

³⁵Susi aha/ e bway gi gwoŋḵan pini kun ’kwarkunu mo haali/ aha/ ’kunya bwa e a’di mo.

³⁶Ḵa’da dum pem ki gwonyc̱im pini mo yisa mmota miiya du is ki me’d mo.

³⁷Ṯuki em pem ’peni mo jin hiluwa hil kun ’kon bwa ’te/ mo dhali c̱iyi aha/ mondiki/e e bway pini mo.

³⁸Rwaci gwom pini jin ona /e is e c̱iŋkinam pini mo, a’di jin ona /e gom uni gwansan kun ḵo/ki /e mo.

³⁹Ḵali ’peni aha/ mowaḵ jin ḵalki aha/ ’ko’da ’cesh mo, haali/ gwoŋḵan pini kun onu mo tani uni ’bora’bor mo.

⁴⁰Hili mo mo ma, aha/ c̱orkina gwoŋḵan gi ’twam pini mo e mii ma ḵar/em pini mo tani /e c̱iyi aha/ mondiki/e mo.

⁴¹Dhalki mo/en pini jin ṯelu sho’k p̱u’dki’d e aha/ mo, ayy Tap̱a, isi ki bway gi mowoṯẖ pini jin ona /e gwo is mo.

⁴²Dhali yan’ko’d aha/ mina ta gi gwonthoḵ gom uni gwansan kun ṯẖunyki aha/ ’twa/i is mo haali/ aha/ gamkina gwo is e gwom pini mo.

⁴³Dhali dhalku/ ki bu’th gwoŋ gana/ ’peni ’twa/ pem ka dun ṯẖorony mo, haali/ mo ma ’teŋ kap̱em pem a’di di’d e gwoŋḵan pini kun onu mo.

⁴⁴Aha/ mina dhu gwoŋḵan pini jin c̱inu ki ṯikir ṯikir mo gom ki sule/ sule/ mo dhali ki sule/ sule/ mo.

⁴⁵Dhali aha/ mina ya ’baḵany gana/ mo haali/ aha/ ŋap̱kina gwoŋḵan gi ’twam pini mo.

⁴⁶Aha/ si’da/ mina o gwo gom gwonyc̱im pini ibwambori imaliḵ mo dhali aha/ minu ’koki kar ki mo ma ’the is mo