Gesami Hea:su 76:3-8

³Amogawi E da ha lai dunu ilia dadi fifili sali. Dafawane! E da ilia da:igene ga:su amola gegesu gobihei amola ilia gegesu liligi huluane fifili sali.

⁴Gode! Di da hadigidafa! Di da goumi amoga Di da Dima ha lai dunu hasali, amolalu buhagilala, Dia da hadigi bagadedafa ba:sa.

⁵Ilia nimi gesa:i dadi gagui dunu da da:i nabado agoane ba:sa. Amola wali ilia da bogoi ilia diabe defele diala. Ilia gasa amola dawa: hou da ili fidimu hamedei ba:su.

⁶Ya:igobe ea Gode! Di da ilima magagiba:le, ilia hosi amola amoga fila heda:i dunu da bogole gala:la sa:i dagoi ba:i.

⁷Be Hina Gode! Dunu huluane da Diba:le beda:sa! Di da ougi galea, dunu afaega da Dia midadi aligimu hamedei ba:sa.

⁸Di da Hebene amoganini Dia fofada:su osobo bagade dunu dawa:digima:ne sia:i. Di da wa:legadole, osobo bagade banenesi dunu amo gaga:ma:ne, fofada:su ea bai oleleloba, osobo bagade fi dunu da amo nababeba:le, beda:i amola beda:ne ouiyai dialu.