Gesami Hea:su 34:4-20

⁴Na da Hina Godema sia:ne gadobeba:le, E da nama dabe adole i. E da na beda:su hou amo huluane fadegale fasi.

⁵Inia: houga banenesisi dunu, ilia da Emaba:le hahawane nodogia:mu. Amola ilia dafawaneyale hamoma:beyale dawa:lusu logo bu hame hedofai ba:mu.

⁶Gogobihei dunu Ema wele sia:sea, E da dabe adole iaha. Amola ilia bidi hamosu da ilila: wadela:sa:besa:le, E da ili gaga:sa.

⁷Hina Gode Ea a:igele dunu da Ea sia: nabawane hamobe dunu amo gaga:sa. Amola se nabasu ilima mae doaga:ma:ne gaga:sa.

⁸Dilisu Hina Gode Ea noga:idafa hou hogole ba:ma! Dunu amo Ea gaga:su hogole ba:beba:le, ilia da hahawane bagade ba:sa.

⁹Dilia! Hina Gode Ea fi dunu huluane! Ea sia: nabawane hamoma! Dunu amo da Ea sia: nabawane hamobe, ilia da ilia wali esaloma:ne lamu liligi defele huluane ba:sa.

¹⁰Laione wa:me amolawane da ha:su hou dawa:. Be nowa dunu da Hina Gode Ea sia: nabawane hamosea, da liligi noga:idafa ba:lala.

¹¹Na sama ayeligi dunu! Dilia misini amola na sia: nabima! Na da dilima Hina Godema nodosu hou olelemu.

¹²Dilia hahawane nodone esalumusa: hanabela:? Dilia da esalusu sedagili amola hahawane esalumusa: hanabela:?

¹³Amai galea, wadela:i ledo hamoi sia: sia:su amola ogogosu hou yolesima!

¹⁴Wadela:i hou yolesili, noga:i hou fawane hamoma! Olofosu hou hamoma:ne, logo hogoi helema!

¹⁵Hina Gode da moloidafa dunu ilima ba:le gasa, amola ilia dini ianebe naba.

¹⁶Be E da wadela:i hamosu dunu ili higale ba:sa. Amaiba:le, ilia da bogosea, hedolowane gogolei dagoi ba:mu.

¹⁷Moloidafa dunu ilia da Hina Godema wele sia:sea, E da naba. E da ilia bidi hamosu, amo bu mae ba:ma:ne gaga:sa.

¹⁸Hina Gode da da:i dioi dunu ilima gadenene esala. Amola E da dafawane hamoma:beyale dawa:lusu fisi dunu, amo ili gaga:sa.

¹⁹Moloidafa dunu da bidi hamosu bagohame ba:sa. Be Hina Gode da ili amo huluane bu mae ba:ma:ne gaga:sa.

²⁰Hina Gode da agoaiwane dunu dafawanedafa gaga:sa. Amola ea gasa afae hamedafa fi ba:sa.