Genesis 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Iyan heini keguǥuza te menge kevuwazan ni Adan. Dutun te kedlimbaǥa te Megbevayà te menusiyà, midhimu zin is etew iring te kandin he zagwey.

²Maama wey vahi is midlimbag din. Ne hein nepasad din, midtuvazan din sikandan, ne migngezanan din sikandan he “menusiyà”.

³Hein 130 en is penuiǥen ni Adan nevuwad sikandin te maama he utew midsempù kandin ne migngezanan din ki Set.

⁴Ne puun dutun te ked-enaka ki Set, 800 pa he tuig is keluǥayad te untung ni Adan, ne zuen duma pa he menge anak din he maama wey vahi.

⁵Ne hein 930 en he tuig is penuiǥen din, minatey sikandin.

⁶Hein 105 en is penuiǥen ni Set nevuwad sikandin ki Enosh.

⁷Ne puun dutun te ked-enaka ki Enosh, 807 pa he tuig is keluǥayad te untung ni Set, ne zuen duma pa he menge anak din he maama wey vahi.

⁸Ne hein 912 en he tuig is penuiǥen din, minatey sikandin.

⁹Hein 90 en is penuiǥen ni Enosh nevuwad sikandin ki Kenan.

¹⁰Ne puun dutun te ked-enaka ki Kenan, 815 pa he tuig is keluǥayad te untung ni Enosh, ne zuen duma pa he menge anak din he maama wey vahi.

¹¹Ne hein 905 en he tuig is penuiǥen din, minatey sikandin.

¹²Hein 70 en is penuiǥen ni Kenan nevuwad sikandin ki Mahalalel.

¹³Ne puun dutun te ked-enaka ki Mahalalel, 840 pa he tuig is keluǥayad te untung ni Kenan, ne zuen duma pa he menge anak din he maama wey vahi.

¹⁴Ne hein 910 en he tuig is penuiǥen din, minatey sikandin.

¹⁵Hein 65 en is penuiǥen ni Mahalalel nevuwad sikandin ki Jared.

¹⁶Ne puun dutun te ked-enaka ki Jared, 830 pa he tuig is keluǥayad te untung ni Mahalalel, ne zuen duma pa he menge anak din he maama wey vahi.

¹⁷Ne hein 895 en he tuig is penuiǥen din, minatey sikandin.

¹⁸Hein 162 en is penuiǥen ni Jared nevuwad sikandin ki Enoc.

¹⁹Ne puun dutun te ked-enaka ki Enoc, 800 pa he tuig is keluǥayad te untung ni Jared, ne zuen duma pa zaan he menge anak din he maama wey vahi.

²⁰Ne hein 962 en he tuig is penuiǥen din, minatey sikandin.

²¹Hein 65 en is penuiǥen ni Enoc nevuwad sikandin ki Metusela.

²²Ne puun dutun te ked-enaka ki Metusela, 300 pa he tuig is keluǥayad te untung ni Enoc, ne zuen duma pa zaan he menge anak din he vahi wey maama. Dutun he timpu utew meupiya is kedepità ni Enoc wey Megbevayà, umbe nekeuma te 365 is keluǥayad te untung din ne nahanew sikandin, su midtulus sikandin te Megbevayà.

²⁵Hein 187 en is penuiǥen ni Metusela nevuwad sikandin ki Lamec.

²⁶Ne puun dutun te ked-enaka ki Lamec, 782 pa he tuig is keluǥayad te untung ni Metusela, ne zuen duma pa zaan he menge anak din he maama wey vahi.

²⁷Ne hein 969 en he tuig is penuiǥen din, minatey sikandin.

²⁸Hein 182 en is penuiǥen ni Lamec nevuwad sikandin te maama.

²⁹Ne migngezanan din ki Noe su ke sikandin te, “Pinaaǥi kayi te vatà malù ebmahagkap is meveǥat he terebahu tew te kebasuk he imbeǥey kenitew tenged te midrewakan dengan te Nengazen is tanà.”

³⁰Ne puun dutun te ked-enaka ki Noe, 595 pa he tuig is keluǥayad te untung ni Lamec, ne zuen duma pa zaan he menge anak din he vahi wey maama.

³¹Ne hein 777 en he tuig is penuiǥen din, minatey sikandin.

³²Hein 500 en is penuiǥen ni Noe nevuwad sikandin ki Shem, ki Ham, wey ki Jafet.