Föför 28:20-27

²⁰Ina popun üa tüngor pwe üpwe churikemi o kapas ngenikemi. Pun ngang üa fötek pokiten än ekewe chon Israel apilükülük.”

²¹Iwe, ekewe chon Juta ra üreni Paulus, “Äm aisap angei echö toropwe seni Jutea usumw, esap pwal wor eman me lein aramasach a feito seni ikenan fän och pworaus, ika fän och kapas mi ngau usumw.

²²Nge aia mochen rongorong mefiom, pun aia silei pwe ekis meinisin aramas ra kapasen ü ngeni ei mwich ka choni.”

²³Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

²⁴Iwe, ekoch me leir ra lükü, pwe mine a apasa a let, nge ekoch resap lükü.

²⁵Iei mine ra feila lon ar tipefesen lefiler mürin än Paulus apasatä ei eu mettoch: “A pwüng mine ewe Ngünmifel a kapas ren ewe soufos Aisea ngeni ach kewe lewo!

²⁶Pun a apasa, ‘Kopwe feila o aronga ngeni ekei aramas: Oupwe aü selingemi o rongorong, nge ousap wewe ren. Oupwe nenengeni, nge ousap küna och.

²⁷Pun letipen ekei aramas a pöchökül. Ra ükütiu le rongorong o ra amöürü meser. Pun are resap föri iei usun, repwe tongeni küna ren meser o rongorong ren selinger, nge letiper repwe wewela, repwe pwal kul ngeniei, pwe üpwe apöchöküleer. Iei alon Kot.’