Lagyo 28:20-27

²⁰Haû mù luî, Israelaq amyu é myit myoqbyù hkyô é yanmai, shî shamtoq-tuî èq tuî é ngò hui zô é hkyô eq séng luî, nungmoq eq nyo kún râ matú, ngò, nungmoq lé ji kat é nghut lhê." ga luî, yhangmoq lé taî ri.

²¹Haú hkûn, yhangmoq gi, "Náng é hkyô eq séng luî Yuda mau mâ é laiká ngamoq a wó yû nghut ri. Haû mai lé é gumang wuì ó yuq le, nàng eq sêng é a ge é luhkyang lé shit kyô é a bò kó nghut ri.

²²Nghut kôlhang, shî nàng lom é hpúng gi, jowò hkangmó má taî he pyâm é huî é hkyô lé, ngamoq sê é yanmai, nàng byu myang é hkyô lé ngamoq gyô wú nau ri." ga tû taî akô.

²³Yhangmoq gi, yhang eq huî kún râ buinyì ding to kôluî, yhang bíng é yhûm má byù myo myo lé zîng bum akô. Haú hkûn, yhang gi, napkyó mai myín htâng jé shoq, Garai Gasâng é mingdán hkyô lé saksé hkâm kyô é eq, Mosheq é tarâ eq myiqhtoî pê é dang má cháng mù, yhangmoq lé shikut luî, Yesuq é hkyô taî pun taî kyîng ri.

²⁴Yhang taî é hkyô lé, ra-am gi, lumjíng bum akô; ra-am kúm gi, a lumjíng kó nghut ri.

²⁵Yhangmoq rayuq eq rayuq haû su myit a huî lhûm bùm kô é yanmai, Poluq gi, yhangmoq lé, "Chyoiyúng Woi-nyí, Myiqhtoi Esai-aq é nhut mai nungmoq é îchyí îwâ pé lé taî é dang gi, gyai yhang têng ri. Dang haû gi,

²⁶'Byù haú hú chyáng ê mù, "Nungmoq gyô tsuq to kôlhang, sê gyo kó râ a nghut; wú tsuq to kôlhang, wú sé kó râ a nghut.", nghû ê taí aq.

²⁷Hkâsu mù gâ le, amyû shi é i-myit gi, htan byuq luî, yhangmoq é nohkyap gi, htu byuq bê nghut ri; yhangmoq é myoq gi, chûm byuq bê nghut ri; haû a nghut le gi, yhangmoq é myoq èq myàng mù, yhangmoq é nohkyap èq wó gyo luî, yhangmoq é i-myit má sê hkyâng kômù, ngá chyáng lhing lò kôluî, ngò yhangmoq lé lhoq gê byi berâ nghut lhê.' gâ ri.