Daahili Aloho 7:4-11

⁴Doo uwa e hai gadoo be di angulaa ne hai gi nia ‘ivory’. O golomada e hai gadoo be nia monowai bungubungu o Heshbon, ala e hoohoo gi di ngudu di bontai di waahale damana deelaa. Doo uhi e madanga gadoo be di angulaa o Lebanon dela e hagaloohi Damascus.

⁵Do libogo gu daahi gi nua guu hai be di Gonduu Carmel. Nia ngaahulu do libogo ne bini, e dabadaba be di gahu tilig dela koia e humalia. Di madanga o nia maa e mee hua di lawalawa di king gi dee hana.

⁶Goe e madanga hualaa behee! Goe gu dohu anga i di hagatenetene o di aloho.

⁷Di ngalungalua o do huaidina e hai gadoo be di niu, gei oo uu la go nia golooloo o di niu.

⁸Au gaa gaga di niu, gaa hagi nia huwa o di maa. Mai gi di au, oo uu le e hai gadoo be nia golooloo ‘grape’, nia madangi o doo dogi e hauiha o di kala o nia aabele,

⁹ge doo ngudu e kala gadoo be nia waini ala koia e kala. Di ahina Heia laa nia waini gii mmidi haga huudonu gi dogu aloho, gii hali gi hongo ono malaungudu mo ono niha.

¹⁰Au di mee ni dogu aloho, gei mee e hiihai mai gi di au.

¹¹Hanimoi, go dogu aloho, gidaua gaa hula gi lodo henua, gaa noho boo i lodo nia waahale lligi ala i golo.